Бүген Бөгелмәдә Җиңү Көне алдыннан Татарстанның көньяк-көнчыгыш якларының ГТХМ хезмәткәрләре янгын сүндерүче Советлар Союзы Герое Газинур Гафиятуллин стеласына чәчәкләр салдылар. Ул сугыш елларында үз күкрәге белән дошман пулеметын каплап, йөзләп сугыш иптәшләренең гомерен коткарган. Немец-фашист илбасарларына каршы көрәштә герой батырлыгы өчен сержант Гафиатуллин Советлар Союзы Герое исеменә Ленин ордены һәм "Алтын Йолдыз" медаленә лаек булган.