Янгын булмаска да мөмкин иде

2016 елның 5 мае, пәнҗешәмбе
2 май көнне 06 сәг. 28 минутта  ООО “Казан оек фабрикасында”  җитештерү бинасында ут чыга. Янгын турындагы хәбәр фабрика хезмәткәрләреннән килә. Беренче янгын расчетлары килгәч җитештерү бинасының эче ут эчендә була, янгынның күрше биналарга күчү куркынычы ачыкланды. Янгын нәтиҗәсендә цех һәм склад бүлмәсе бөтенләй янып бетте,  тышкы бетон плитә җимерелеп төште.

Фабрика хезмәткәрләре әйтүенчә, янгын чыккан вакытта, цехта өч кеше булган. 06 сәг. 30 минутта күрше цехта алар  янгын чыкканың күрәләр. Утны башта үзләре сүндереп карыйлар, ләкин булып чыкмый, ул вакытта янгын тарала гына башлый һәм алар янгын сүндерү хезмәтенә хәбәр итәләр. Тикшерү барышында шунысы ачыкланды, әлеге объекта  хәбәр итү системасы һәм янгын сүндерү сигнализациясе булмый. Янгынның сәбәбе хәзерге вакытта ачыклана.     

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International