Бу көндә 1986 елда Чернобыль атом электр станциясенең дүртенче энергия блокында шартлау булган. Бөтен илдән, шул исәптән Татарстаннан да, Чернобыль катастрофасының нәтиҗәләрен бетерер өчен килеп радиация белән “көрәшүне” башлаган катнашучыларның кыюлыгы, үз-үзен аямаулыгы булмаса, трагедия колачлары иксез-чиксез зуррак була алыр иде. Истәлекле көн алдыннан Татарстан Республикасы буенча Русия ГТХМ Баш идарәсенең башлыгы Рафис Хәбибуллин ликвидаторларга мөрәҗәгать итте.