"Заря" лагеренда янгын куркынычсызлыгы көне
Түбән Кама муниципаль районының «Заря» балалар лагерында «Янгын куркынычсызлыгы көне» узды. Түбән Кама муниципаль районы буенча күзәтчелек эшчәнлеге бүлегенең өлкән инспекторы Регина Шатрова, БИЯҖ инструкторы Гүзәл Әхмәтова белән берлектә, балалар белән танышу чарасы үткәрделәр.
Дәрес барышында катнашучылар:
• янгыннарны профилактикалауның мөһимлеген белделәр;
• гадәттән тыш хәлләрдәге гамәлләр алгоритмын өйрәнделәр;
• ашыгыч хезмәтләрнең телефон номерларын кабатладылар: 101 (янгын күзәтчелеге) һәм 112 (ашыгыч хезмәтләрнең бердәм номеры).
Көнкүрештә янгын куркынычсызлыгы кагыйдәләренә аерым игътибар бирелде. Өлкән инспектор Регина Шатрова балаларга ут белән уйнауның, электр приборларын караусыз калдыруның һәм шырпылардан файдалануның куркыныч булуын искәртте.
Янгын сагы хезмәткәрләре һәм иреклеләр теоретик әңгәмә уздырып кына калмадылар, ә балаларга янгын чыккан очракта ничек дөрес эш итәргә кирәклеген практикада да күрсәттеләр. Балалар янгын сүндерүчеләрнең эшен энтузиазм белән күзәттеләр, сораулар бирделәр һәм фикер алышуда актив катнаштылар. Янгын сүндерү һәм кешеләрне коткару өчен кулланыла торган янгын сүндерү җиһазларын күрсәтү зур кызыксыну уятты.
Уку эвакуациясе чараның кульминациясе булды. Тревога сигналы буенча балалар һәм лагерь хезмәткәрләре, вожатыйлар һәм янгын сүндерүчеләр күрсәтмәләре буенча, бинадан төгәл һәм көйле рәвештә чыгып киттеләр.