Россия Гадәттән тыш хәлләр министрлыгында территориаль органнары җитәкчеләре белән җыен узды

2024 елның 13 феврале, сишәмбе

Бөтенроссия гражданнар оборонасы һәм гадәттән тыш хәлләр проблемалары буенча фәнни-тикшеренү институтында территориаль органнары җитәкчеләре белән укыту-методик җыен узды. Дәресләрне Россия Гадәттән тыш хәлләр министрлыгы башлыгы урынбасарлары Виктор Яцуценко, Илья Денисов, Анатолий Супруновский, Валентина Антропова һәм Антон Герасимов үткәрде.

Россия Гадәттән тыш хәлләр министрлыгының Татарстан Республикасы буенча Баш идарәсеннән җыенда вакытлыча баш идарә башлыгы вазыйфаларын башкаручы эчке хезмәт полковнигы Ирек Кадамов катнаша.