Гадәттән тыш хәлләр министрлыгы хезмәткәрләре халыкны янгын куркынычсызлыгы чараларын үтәргә чакыра

2024 елның 4 феврале, якшәмбе

Яшел Үзән муниципаль районы буенча күзәтчелек эшчәнлеге һәм профилактик эш бүлеге инспекторлары 8 янгын сүндерү-коткару отряды хезмәткәрләре белән берлектә Яшел Үзәннең торак секторы буенча профилактик рейдлар үткәрәләр. Алар җирле халык белән аралашып кына калмый, аларга белешмәләр тапшыра, көнкүрештә куркынычсызлык кагыйдәләрен хәтерләтә. Төп акцент - автоном янгын хәбәрчеләре йортларында урнаштыруны пропагандалау. Инспекторлар яшелүзәнлеләргә бу приборлар, аларның гамәлдә булу принциплары турында сөйлиләр, торакларны янгын хәбәрчеләре белән җиһазландырырга кирәклегенә инандыралар. Мондый датчиклар башланган янгынны вакытында табарга гына түгел, ә иң мөһиме - кешеләрнең гомерен коткарырга сәләтле!