Васильев кадетлары чын профессионал-коткаручылар!
Советлар Союзы Герое Николай Волостнов исемендәге Васильевка кадет мәктәп-интернаты укучылары командасы «профессионаллар»чемпионатында җиңү яулады. Алар беренче урынны алдылар, икенче һәм өченче урыннарны алган Мәскәү һәм Башкортостан катнашучыларын артта калдырдылар.
Исегезгә төшерәбез, Васильев кадетлары 24-28 ноябрьдә Санкт-Петербург шәһәрендә узган әлеге дәрәҗәле ярышларның финалында Татарстан Республикасы исеменнән чыгыш ясады. Командага Яшел Үзән муниципаль районы башлыгы Михаил Афанасьев зур ярдәм күрсәтте. Финалдагы көрәш чыннан да җитди булды. Катнашучылар саны 700 кеше тирәсе. Безнең егетләр юниорлар командалары арасында «Коткару эшләре» компетенциясендә чыгыш ясады.
Ярышлар барышында командалар янгын сүндерү полосасын үтеп, «зыян күрүчеләргә» беренче ярдәм күрсәтәләр, биеклектә, ябык киңлектә эшлиләр, төрле тренажерларда биремнәр үтиләр.
Җиңүчеләрнең исемнәрен тагын бер кат искә төшерик. Алар Васильевка кадет мәктәп-интернаты укучылары: Александр Федоров, Светлана Королева, Данил Жарков, Әмир Тунгусков, Степан Филиппов. Һәм, әлбәттә, бу Җиңү Дмитрий Бойко һәм Егор Медведевның Васильев командасы остаз - экспертларының ярдәменнән һәм грамоталы остазлыгыннан башка мөмкин булмас иде.