Татарстанда иң яхшы гражданнар оборонасы белгече билгеләнде
2023 елда ул Татарстан Республикасы Гадәттән тыш хәлләр министрлыгының Яшел Үзән муниципаль районы буенча идарәсе 1 категорияле гражданнар оборонасы белгече Ксения Савельева булды.
Быел иң яхшысы исеме өчен Татарстан Республикасы Гадәттән тыш хәлләр министрлыгының муниципаль районнар һәм шәһәр округлары буенча идарәләре һәм бүлекләренең Гражданнар оборонасы өлкәсендә вәкаләтләрне гамәлгә ашыру бүлегенең 15 белгече көрәште.
Әлеге конкурс ел саен гражданнар оборонасы өлкәсендә белгечләрнең һөнәри эшчәнлеген объектив бәяләү һәм стимуллаштыру, аларның квалификациясен һәм профессиональлеген арттыру максатыннан үткәрелә. Конкурс ике этапта үткәрелә. Башта Татарстан Республикасы Гадәттән тыш хәлләр министрлыгының муниципаль районнар һәм шәһәр округлары буенча идарәләре һәм бүлекләренең конкурс комиссияләре тарафыннан ГО буенча иң яхшы белгеч урыннарда билгеләнә. Аннары җиңүче республика дәрәҗәсенә күтәрелә.
Конкурсның республика этабы видеоконференция режимында узды. Конкурс барышында катнашучылар Россия Федерациясенең, Татарстан Республикасының закон чыгару һәм норматив хокукый актларын, Россия гадәттән тыш хәлләр министрлыгының норматив хокукый актларын һәм гражданнар оборонасы һәм халыкны һәм территорияләрне табигый һәм техноген характердагы гадәттән тыш хәлләрдән саклау өлкәсендәге методик документларны белүгә кагылышлы сорауларга җавап бирделәр. Тест нәтиҗәләре буенча максималь балл җыйган конкурста катнашучы җиңүче дип таныла. Ике һәм аннан да күбрәк катнашучының баллары тигез булганда, соңгы ике ел дәвамында эшчәнлек күрсәткечләре буенча иң яхшы нәтиҗәгә ия булган конкурсант өстенлек ала.