Аксубай янгын сүндерүчеләре янгын кроссфитының алтын кубогын яуладылар
Аксубайда Россия Гадәттән тыш хәлләр министрлыгының Татарстан Республикасы буенча Баш идарәсенең федераль дәүләт янгынга каршы территориаль бүлекчәләре арасында үткәрелгән “Янгын кроссфиты” ярышларының йомгаклау этабы узды.
Профессиональ осталык буенча ярышларда зона этапларында сигез команда-җиңүче катнашты. Бу - Россия Гадәттән тыш хәлләр министрлыгының Татарстан Республикасы буенча Баш идарәсе бүлекчәләренең иң яхшы хезмәткәрләре. Ярышлар район үзәгенең үзәк мәйданында узды, тамашачылар мәктәп укучылары булды һәм үтеп баручы һәркем әлеге хәлләрне кызыксынып күзәтте.
Катнашучыларга сәламләү сүзе белән район башкарма комитеты җитәкчесе Станислав Зайцев мөрәҗәгать итте.
- Янгын сүндерүче - хөрмәтле генә түгел, җаваплы һөнәр дә, - дип билгеләде ул. - Ул зур физик һәм психологик әзерлек таләп итә. Бүген сез һөнәри осталыгыгызны күрсәтәсез. Сезгә уңышлар телим!
Ярышлар программасы 8 күнегүдән торды, аларны бер үк вакытта ике катнашучы башкарды. Гадәттән тыш хәлләр министрлыгы вәкилләре секундомер белән янгын сүндерүчеләрнең гамәлләрен теркәделәр.
Старт ул - махсус киемнәрне кию, кирәк-яракларны, сулыш органнарын индивидуаль яклау чараларын эләктерү. Ахыр чиктә боларның барысы да 20 килограмм авырлыктан да ким түгел. 2 нче күнегү - 24 килограммлы герне ун тапкыр ыргыту. Шуннан соң команда "лаз" аша газ (кислород) баллонын транспортировкасын үткәрә. Туктап тормыйча, һәрбер конкурсан, кувалда белән сугып, автомобиль көпчәге япмасын күчерә. Аннары зыян күрүченең манекенын носилкага сала. Алга таба - көч элементы, йөк автомобиленең көпчәген әйләндерү юлы белән күчерү. Соңыннан - янгын җиңсәсен "сигезле" ысулы белән җыю. Ахыргы этап - катнашучылар ике тапкыр басымлы җиңнәрен финиш сызыгына кадәр күчерәләр.
Этапта Аксубай янгын сүндерүчеләре булганда - тамашачылар кычкырдылар, дәртләндерделәр, кайберәүләр, үзләренекеләр өчен дулкынланып, алар белән бергә йөгерделәр, койма артыннан дәртләндерделәр. Хезмәткәрдән максималь физик чыныгу, хәрәкәт төгәллеге, һөнәри күнекмәләр таләп итә торган катлаулы этапны үтү - җиңел эш түгел. Һәм барсы да аны үтәде. Шундый ук йөкләнешләрне чын янгыннарда янгын сүндерүчеләр кичерә. Бу чын ир-атлар өчен эш.
Нәтиҗәдә, барлык йөгерүләр нәтиҗәләре буенча иң яхшы вакыт, аз күләмдә штраф баллары белән, мәйданчык хуҗалары күрсәтте – Руслан Ибляминов җитәкчелегендә 102 нче янгын сүндерү-каткару бүлеге янгын сүндерүчеләре - Ринас Галләмов һәм Андрей Новичков. Көчле көрәштә аларга алтын кубок эләкте.
Икенче урында - Чирмешән районы янгын сүндерү бүлеге командасы, өченче урында - Биектау районыннан янгын сүндерүчеләр.
«Сельская новь» редакциясе материаллары буенча
«Сельская новь» редакциясе фототоматериаллары