Без Куркынычсыз җәй өчен!

2023 елның 20 июне, сишәмбе

    2 нче урта гомуми белем бирү мәктәбендә БИЯҖ Зәй участогы начальнигы һәм Зәй муниципаль районы буенча күзәтчелек эшчәнлеге бүлеге инспекторы мәктәп яны лагерына йөрүче балалар өчен Янгын куркынычсызлыгы көне үткәрделәр.

    Балалар ут белән шаяртуның нинди куркынычлар китерүе, шулай ук янгын вакытында үтәлергә тиешле кагыйдәләр, утның нәрсә белән куркыныч булуы һәм нинди кайгы китерә алуы, янгын очрагында, кайда гына булсалар да, үзләрен ничек тотуы турында белделәр. Янгын куркынычсызлыгы турындагы видеороликны карадылар.