Россия ГТХМ Татарстан Республикасы буенча Баш идарәсе хезмәткәрләре Динамо спорт уеннарында катнашалар
Казанда бу көннәрдә Россия Федерациясенең 76 төбәгенең һәм якын чит илләрнең биш иленең Динамо коллективлары арасында зур халыкара ярышлар уза. Спорт ярышлары 11 спорт төре буенча үткәрелә: сугыш коралыннан ату, хезмәт биатлоны, җиңел атлетика, самбо, сугыш самбосы, пляж футболы, мини-футбол, волейбол, пляж волейболы, йөзү, гире спорты, аларда 2000 дән артык спортчы катнаша. Уеннар «Динамо»Бөтенроссия физкультура-спорт җәмгыятенең 100 еллыгына багышлана.
Татарстан Республикасы буенча Россия ГТХМ Баш идарәсе хезмәткәрләре Татарстан җыелма командасы составында мини-футбол буенча турнирда катнашалар. Ярышлар 35 яшькә кадәр һәм 35 яшьтән өлкәнрәк ике яшь категориясендә уза. Безнең ике команда да төркем киртәсен уңышлы үтеп, төркемнәрдә беренче урыннарны яулады.