Россиянең янгын күзәтчелеге көне хөрмәтенә зур шәһәр бәйрәме
Казан янгын-коткару гарнизоны Бүген Җиңү паркында Россия янгын күзәтчелеге көне уңаеннан зур бәйрәм оештырды. Төрле техника күргәзмәсе, дистәләгән төрле балалар конкурслары, бәйрәм концерты, янгын сүндерүчеләрне хәрби җәелдерү буенча тамаша ярышлары, кыр кухнясы һәм саклану җиһазлары күрсәтү - болар барысы да һөнәри бәйрәмне массакүләм халык бәйрәменә әйләндерде.
Казан гарнизоны Россия гадәттән тыш хәлләр министрлыгының ТР буенча Баш идарәсе һәм шәһәр Башкарма комитеты ярдәме белән масштаблы чара үткәрә алды. Гамәлдәге янгын сүндерүчеләрне һәм янгын сүндерү ветераннарын Баш идарә башлыгы Рәфис Хәбибуллин, шулай ук Казан Башкарма комитеты җитәкчесе урынбасары Илдар Шакиров котлады.
Рәсми часть хөрмәтле кунаклар һәм янгын күзәтчелеге ветераннары тарафыннан Бөек Ватан сугышында һәлак булган Совет сугышчылары истәлегенә Мәңгелек утка чәчәкләр салудан башлана.
Шуннан соң хөрмәтле кунаклар иң заманча янгын-коткару техникасы, шулай ук раритет ретроавтомобильләр үрнәкләрен карадылар.
Аннары Казан янгын-коткару гарнизонының шәхси составы бәйрәм митингы үткәрү өчен тезелде.