Янгын техникасы Татарстаннан ЛХРна китте
Россия гадәттән тыш хәлләр министрлыгының Татарстан Республикасы буенча Баш идарәсе колоннасы бүген Ростов өлкәсенә китте, анда ЛХР гадәттән тыш хәлләр министрлыгының янгын сүндерү бүлекчәләре ихтыяҗлары өчен ике берәмлек янгын техникасы һәм янгын-техник кораллар тапшырылачак.
Техниканы яңарту үтенече белән Татарстан Хөкүмәтенә Лисичанскның янгын-коткару өлешләре мөрәҗәгать итте. Исегезгә төшерәбез, Лисичанск быелның җәендә Татарстан өчен шефлыкка алынган шәһәр булды. Ә Татарстан Премьер-министры белән Лисичанск Мэры арасында хезмәттәшлек турында килешү 25 сентябрьдә имзаланды.
Колонна хәрәкәте барышын Россия гадәттән тыш хәлләр министрлыгының ТР буенча Баш идарәсенең Кризис ситуацияләрендә идарә Үзәге дежур сменасы күзәтеп торачак. Янгын сүндерү машиналары һәм милек Ростов өлкәсенә китереләчәк, анда аларны кабул итүче як вәкилләренә бирәчәкләр.