ТР буенча 1-ФЯХО янгын-коткару бүлегенең хезмәткәрләре балалары өчен яңа ел бәйрәме.
Татарстан Республикасы буенча федераль янгынга каршы хезмәтнең беренче отрядында ел саен янгын сүндерү һәм коткару бүлекләрендә хезмәткәрләрнең балалары өчен яңа ел бәйрәмнәре үткәрү традициягә әйләнде. Үз балалары өчен яңа ел бәйрәмен № 50 янгын-коткару бүлеге хезмәткәрләре оештырды.
Яңа ел сюрпризларын көтеп, егерме дән артык бала кышкы матур бәйрәмдә катнашты. Отряд психологы Ольга Кутергина оештырган театральләштерелгән тамаша әкият геройлары: Пират, Убырлы Карчык, Кыш Бабай һәм Кар кызы катнашында яшь кунакларны чын-чынлап сокландырды. Сабын куыклары тамашасы да тәэсир калдырды.
Балалар әйлән-бәйлән уйнадылар, шигырьләр сөйләделәр, җырлар җырладылар, эстафета уеннары уйнадылар. Кышкы уеннар, кар көрәше кебек уеннар үткәрелде. Балалар командасы ата-аналар командасын кар бөртекләре белән каплады һәм җиңү яулады. Конкурс программасы бер генә баланы да призсыз калдырмады. Моннан тыш, балалар Кыш бабайдан һәм Кар Кызыннан Яңа ел бүләкләре алдылар.
Балаларны җиләк-җимеш, кайнар чәй белән сыйладылар, аннан соң бүлек фасадында махсус һава-механика күбеге белән янгын сүндерүне күрсәттеләр. Һәр бала да әтиләренең монда эшләвен зур горурлык белән билгеләп үтте - ул янгын сүндерүче-коткаручы.
Людмила Свойкина, ТР 1-ФЯХО