Бакча җәмгыятьләрендә янгыннарны кисәтү
Безнең республикада быел һава торышының тотрыклылыгы беркемне дә гаҗәпләндерми. Салкын булса, эсселек кинәт җитә. Беренче һәм икенче очракта бакча җәмгыятьләрендә янгын чыгу куркынычы бар, шуңа күрә дәүләт янгын күзәтчелеге инспекторлары бакча җәмгыятьләрендә янгыннарны профилактикалау эшен дәвам итә.
Бүген Түбән Кама муниципаль районы буенча надзор эшләр һәм профилактик эшләр бүлеге инспекторлары Эльмира Илалова һәм Рафаэль Гиниатуллов гражданнарны җәйге янгын куркынычы чорында янгын куркынычсызлыгы таләпләрен җиткерү максатыннан Түбән Кама шәһәренең коммерцияле булмаган бакчачылык ширкәтләрендә булдылар.
Әңгәмә барышында бакчачыларга янгын куркынычсызлыгы кагыйдәләрен искә төшерделәр:
- Шәһәр фатирыннан кирәкмәгән әйберләр складын дачада оештырырга ярамый.
- Барлык биналарга һәм корылмаларга ирекле үтеп керүне тәэмин итәргә кирәк, янгын сүндерү өчен кулланыла торган биналарга, корылмаларга, су чыганакларына, стационар янгын баскычларына һәм янгын инвентарена баручы юлларны капламагыз.
- Бакча корылмалары янындагы территорияне чисталыкта тотарга һәм аны коры үләннән, чүп-чардан һәм башка янучан материаллардан системалы рәвештә чистартырга кирәк.