Җәйге каникуллар алдыннан янгын куркынычсызлыгы турында
Узып баручы уку елының соңгы көннәрендә янгынга каршы хезмәт хезмәткәрләре балалар арасында янгын куркынычсызлыгы чараларын пропагандалау эшен активлаштыралар. Янгын сүндерү бүлекләренә, музейларга экскурсияләр оештыралар, куркынычсызлык дәресләре, мәктәпләрдә, мәктәпкәчә балалар учреждениеләрендә конкурслар һәм викториналар үткәрәләр. Чираттагы дәресне Федераль янгынга каршы хезмәтнең 8 нче отряды хезмәткәрләре «Яшел Үзән шәһәренең А. С. Пушкин исемендәге 9 нчы лицей"ның 1 нче сыйныф укучылары белән үткәрделәр.
Төп максат-мәктәп укучыларына җәйге каникуллар вакытында куркынычсызлык чаралары турында искә төшерү. Балаларга янгын сәбәпләре турында сөйләделәр, янгын килеп чыкмасын һәм фатирың янып бетсә, үзеңне ничек тотарга кирәклеген аңлаттылар. Дәрес вакытында балаларны шырпы белән уйнамаска, шәм белән файдаланмаска, өлкәннәр булмаганда электр приборларын кабызмаска өйрәттеләр. Аннан соң беренче сыйныф укучылары белән мәктәптә янгын чыккан очракта нишләргә кирәк икәне турында күнегүләр үткәрделәр. Фильм карадылар.
Резеда Йосыпова, ТР буенча 8-ФЯХО матбугат хезмәте