Татарстаннан Крымскига чираттагы гуманитар ярдәм колоннасы китә

Бүген Бөгелмә шәһәреннән Крымск шәһәрендәге су басу фаҗигасендә зыян күрүчеләргә 18 тонна авырлыктагы  5 фургон машинада  гуманитар ярдәм китәчәк.  Әлеге машиналарны “Татнефть” идарәсе  әзерләде,  аларны Россия Гадәттән тыш хәлләр министрлыгы Татарстан Республикасы буенча баш идарәсе хезмәткәрләре озатып барачак. 4 машинада эчә торган су булса, бишенчесендә урын – җирләр туплаган. 1,5 миллион сумлык гуманитар ярдәм “Татнефть” компаниянең барлык предприятиеләр исеменнән җыелган. Моңа сукырлар җәмгыяте әзерләгән продукция керә – юрганнар, мендәрләр, сөлгеләр.  Шулай ук “Азнакай киемнәре ” җаваплыгы чикләнгән җәмгыятенең – эшчеләр киемнәре, көндәлек киемнәре, урын – җир кирәк – яраклары керә.  

 Колонна көндезге уникедә кузгалачак.