БУЛАЧАК КОТКАРУЧЫЛАР ҺӘМ ЯНГЫН СҮНДЕРҮЧЕЛӘРНЕҢ ТАНТАНАЛЫ АНТ ИТҮЕ
2018 елның 26 декабрендә Россия Федерациясе Коткаручысы көне алдыннан, Тәтеш дәүләт гражданнар яклау көллиятенең «Гадәттән тыш хәлләрдә яклау», «янгын куркынычсызлыгы» белгечлекләре буенча беренче курс курсантлары сайлаган һөнәренә тугры булырга ант бирделәр, дип хәбәр итә https://vk.com/mchs.tatarstan.
Тантаналы антны Татарстан Республикасы Гражданнар оборонасы эшләре һәм гадәттән тыш хәлләр министры урынбасары, Татарстан Республикасы Эзләү-коткару хезмәте башлыгы Илһам Әдип улы Насыйбуллин кабул итте. Котлау сүзендә ул сайлаган һөнәрнең, аның данлы тарихының әһәмиятен һәм батырлык, үз-үзеңне тоту, сайлаган эшкә бирелгәнлек кебек сыйфатларны үстерү кирәклеген билгеләп үтте.
Шулай ук Тәтеш муниципаль районы Башкарма комитеты җитәкчесе урынбасары Гөлнара Фәрит кызы Кириллина, Тәтеш дәүләт гражданлык яклау көллияте директоры Татьяна Юрьевна Адаева да әлеге истәлекле вакыйга белән котлады.
Россия Федерациясе коткаручылары көненә багышланган бәйрәм концерты гадәттән тыш хәлләр министрлыгы системасы хезмәткәрләре һәм ата-аналар өчен бүләк булды.
https://vk.com/album-1363333_261558436