Узган ял көннәре янгын сүндерү хезмәтенең хезмәткәрләре өчен “кызу” булып чыкты. Ике ял көне эчендә республикада 26 янгын булган. Шимбә көне 4 кешенең гомерен өзгән.
Татарстан Республикасында 2017 елның 11 ае эчендә 2 895 янгын булган. Аларда 114 кеше һәлак булган, 207 кеше яраланган. Янгыннарның төп сәбәпләре утны саксыз куллану, электр җиһазларын һәм мич җиһазларын урнаштыру һәм куллану кагыйдәләрен үтәмәү.