Яр Чаллыдан 72 ЭКБ командасы Татарстанда шартлы юл-транспорт һәлакәте нәтиҗәләрен бетерү буенча иң яхшысы булды
Мамадышта «2020 елда автомобиль транспортында гадәттән тыш хәлләрне ликвидацияләү буенча авария-коткару эшләрен үткәрү буенча Татарстан Республикасы буенча Россия ГТХМ Баш идарәсенең иң яхшы командасы " исеменә республика ярышларының финал этабы узды. Иң көчлесе титулын Татарстан Республикасы буенча федераль янгынга каршы хезмәтнең 15 нче отрядының Яр Чаллы янгын-коткару бүлеге командасы яулады.
Финал этабына юл – транспорт һәлакәтләре вакытында авария-коткару эшләрен алып бару буенча федераль янгынга каршы хезмәт бүлекчәләре арасында зона ярышларында җиңүче 11 команда узды.
Нәтиҗәдә, җыелган баллар һәм юл-транспорт һәлакәтләренә җавап бирү вакыты буенча җиңү яулады, ә аның белән бергә күчмә кубокны Яр Чаллы 72 янгын сүндерү һәм коткару бүлеге командасы яулады. Әлмәт ЭКБ-65 нче янгын сүндерү һәм коткару отряды коллективы чемпионнарга нибары 19 секунд калышты. Өченче урынны Түбән Кама ФЯХО-1 №35 ЭКБ командасы яулады.
Хәзер җиңүчеләргә тагын бер сынау – «юл-транспорт һәлакәтләренең нәтиҗәләрен бетергәндә авария-коткару эшләрен үткәрү буенча Россия гадәттән тыш хәлләр министрлыгының Идел Буе региональ үзәгенең иң яхшы командасы» дигән ярышларда республика данын яклау бурычы тора.