Янгын куркынычсызлыгы кагыйдәләрен бел һәм үтә!
Дәүләт янгын күзәтчелеге хезмәткәрләре тарафыннан «Сарман районы Киноучреждениесе» МБУсе хезмәткәрләре белән берлектә гомуми белем бирү учреждениеләре укучылары өчен «куркынычсызлык атналыгы» оештырылды. Инде бер атна чамасы янгын нәтиҗәсендә балаларның үлүен һәм җәрәхәтләнүен кисәтү максатыннан янгын куркынычсызлыгы буенча ачык дәресләр үткәрелә, алар барышында балаларга мәктәптә һәм көнкүрештә янгын куркынычсызлыгы кагыйдәләре аңлатыла.
Бүген «Сарман» кинотеатрында Сарман гимназиясенең башлангыч сыйныф укучыларына янгын куркынычсызлыгы темасына видеофильмнар күрсәтелде. Дәрес сыйныф җитәкчеләре һәм укучылар катнашында үткәрелде, мәктәптә янгын чыгуның төрле очраклары һәм педагогларга янгын чыгу турында хәбәр иткән укучыларның гамәлләре теоретик яктан эшкәртелде, ә тегеләре, үз чиратында, янгын саклауга хәбәр итте. Куелган бурычны балалар да, укытучылар да «бишле» гә үтәде. Чарада 63 кеше катнашты.