ЯҢАЛЫКЛАР


17
март 2017 ел.
җомга

Бүген Яшел Үзән шәһәренең 5 нче гимназиясендә балаларның ашыгыч эвакуациясен үткәргәннәр. Янгын килеп чыгу очрагында укытучыларның һәм укучыларның бөтен ашыгыч хәрәкәтләр алгоритмын Яшел Үзән муниципаль районы буенча Күзәтү һәм профилактика эшләре бүлегенең инспекторлары һәм федераль янгынга каршы хезмәтнең 8 нче отряд хезмәткәрләре белән оештырылган бердәм күнегүдә эшкәрткәннәр. Якын вакытта балаларны эвакуацияләү буенча күнегүләр белән мондый “Иминлек дәресләрен” барлык мәктәпкәчә учреждениеләрдә, мәктәпләрдә, урта һәм югары белем йортларында үткәрергә планлаштырылар.

Казан шәһәре “Лебяжье” ял итү базасының банкет залында янгын турында хәбәр 17 нче мартта 11.33 тә килгән. Беренче янгын сүндерү бүлекләре килүгә түбә астыннан куе төтен чыга иде. Бинада беркем дә булмаган. Янгынны сүндерүгә 17 янгын сүндерү һәм коткару техника берәмлеге һәм 63 кеше эшләтелгән. Янгын 13.08 дә бетерлгән. Аның мәйданы 300 кв. м тәшкил иткән. Үлүче һәм зыян күрүче юк.

Республиканың Гадәттән тыш хәлләр буенча һәм янгын иминлеген тәэмин итү комиссиясенең утырышы ТР Премьер-министрының беренче урынбасары Алексей Песошин рәислегендә үткән. Утырыш онлайн тапшыру рәвешендә узган, шуңа күрә республика шәһәрләренең һәм районнарының барлык җитәкчеләре, шулай да ТР буенча РФ ГТХМ Баш идарәсе һәм ТР ГТХМ бүлекләренең җитәкчеләре элемтәдә булган. Татарстан Республикасы территориясендә язгы ташкын узуның иң начар барышы булганда су басу зонасында 20 мең кеше тора торган 220 торак пункт, 48 социаль объект, 75,3 км аралы 55 юл өлеше, 27 икътисад объекты һәм 36 күпер эләгергә мөмкин.

Узган тәүлектә янгын сүндерү бүлекчәләре чакыру буенча 26 тапкыр ярдәмгә чыккан.  Чүп-чарны сүндерергә 6 тапкыр, ялган чакырулар буенча – 6 тапкыр, кыска ялганыштан – 2 тапкыр, ризыкның көю аркасында – 2 тапкыр, башка хезмәтләр белән эшләү – 6 тапкыр. Республикада  4 янгын очрагы теркәлгән.  Торак секторда – 4 янгын.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования