Яңа уку елы алдыннан укытучылар өчен янгын куркынычсызлыгы чаралары
Мәгариф объектларында янгын чыккан очракта укытучылар һәм хезмәт күрсәтүче персоналның гамәлләренә мөһим роль бирелә. Укучыларның тормышы һәм сәламәтлеге аларның төгәл, тиз һәм дөрес гамәлләреннән тора. Моны бәяләү өчен ГТХМ хезмәткәрләре тарафыннан сентябрь аена планлаштырылган уку эвакуацияләре үткәрелә, ә әлегә мәгариф объектлары персоналына янгын чыгу очрагында эш итү тәртибе турында искә төшерәләр.
Шулай бүген Өчкүл урта гомуми белем бирү мәктәбенең укытучылар составы белән Әлки һәм Спас муниципаль районнары буенча күзәтчелек эшчәнлеге һәм профилактика эшләре районара бүлегенең өлкән инспекторы Сергей Деманов янгынга каршы инструктаж үткәрде. Педагогларга һәм персоналга белем бирү объектларында очрый торган янгын куркынычсызлыгы таләпләрен бозу очраклары һәм аларны бетерү ысуллары турында сөйләделәр. Шулай да төп бурыч-янгын вакытында гамәлләр тәртибе турында искә төшерү иде.